Pleyeri seçin:
Fransa Prezidenti: "ABŞ lideri artıq Ukraynanın münaqişədə uduzduğunu hesab etmir" - Baku TV
"Böyük Yeddilik" (G7) sammitinin iştirakçıları ABŞ Prezidenti Donald Trampın Rusiya-Ukrayna münaqişəsi ilə bağlı mövqeyinə təsir göstərə biliblər və artıq bu mövqe dəyişib".
Bunu Fransa lideri Emmanuel Makron bildirib.
Onun sözlərinə görə, “Büyük Yeddilik” sammiti ABŞ administrasiyasının mövqeyində dəyişiklik yaradan əsas hadisə olub.
"Zelenski ilə Tramp arasında baş tutan müzakirənin keyfiyyəti, həmçinin onun seçilməsindən bəri ilk dəfə mövqelərin yaxınlaşması və Avropa ölkələri, Kanada, Yaponiya, eyni zamanda ABŞ arasında əldə olunmuş konsensus son günlərin mühüm nailiyyətləridir. Mən gördüm ki, Prezident Tramp və onun dövlət katibi Marko Rubio hansı məsələlərdə irəli getməyə hazır olduqlarını və müzakirənin şərtlərinin nədən ibarət olduğunu tamamilə aydın şəkildə ifadə etdilər", – deyə Fransa Prezidenti əlavə edib.
Makron həmçinin qeyd edib ki, Tramp artıq Ukraynanın münaqişədə uduzduğunu hesab etmir.
Kopyalandı
#Emmanuel Makron teqi istifadə olunub
Seçilmişlər
