Dünya
Pleyeri seçin:
Fransadakı seçkilər Rusiya-Ukrayna müharibəsinə necə təsir edəcək?
“Milli Assambleyaya növbədənkənar seçkilərdə sağçı Milli Birlik Partiyası qalib gələrsə, Fransa Ukraynaya hərbi dəstəyi əhəmiyyətli dərəcədə azalda bilər”.
Bu barədə “Jurnal du Dimançe”də yayımlanan məqalədə bildirilir. Qeyd edilir ki, ümumiyyətlə bu halda Ukraynaya hərbi yardım sual altına düşə bilər.
Fransa Müdafiə Nazirliyindəki mənbə nəşrə bildirib ki, Prezident Emmanuel Makron Ali Baş Komandan vəzifəsində qalsa da, Kiyevə hərbi yardımın ayrılması ilə bağlı sənədlər yenə də seçkilərdə qalib gələn tərəfin təyin etdiyi müdafiə naziri tərəfindən imzalanacaq.
Qeyd edək ki, Milli Birlik Partiyası xəbərdarlığında Ukraynaya silah tədarükünə qarşı olmadığını açıqlayır, lakin bunun Fransa Ordusuna zərər verməyəcək şəkildə edilməsinin tərəfdarıdır. Fransada növbədənkənar parlament seçkilərinin birinci turu 30 iyunda, ikinci turu 7 iyulda keçiriləcək.
Kopyalandı
Seçilmişlər
