General Rusiyanı məğlub etməyin yeganə yolunu açıqladı

Rusiya qüvvələri Ukraynanın Donetsk vilayətində Mirnoqrad, Rodinskoye və Volnoye, Zaporojyedə isə Qulyapol şəhərini nəzarətə götürüb.

Bu barədə Rusiya Silahlı Qüvvələrinin mərkəz qrupunun komandiri Valeri Solodçuk məlumat yayıb.

Ukrayna tərəfi isə tirajlanan bu xəbəri təkzib edib.

“Ukraynanın qələbəsini təmin etmək üçün biz Rusiya iqtisadiyyatına daha effektiv zərbə endirməliyik”.

Belə bir açıqlama ilə ABŞ-nin Avropadakı ordusunun keçmiş komandanı, general Ben Hoces çıxış edib.

“Düşünürəm ki, Ukraynanın qələbə nəzəriyyəsi Rusiyanın neft və qaz infrastrukturunun məhv edilməsində, neft və qaz ixrac etmək imkanlarının pozulmasındadır. Ukrayna yalnız bu yolla Rusiyanı məğlub edə bilər”, – deyə o bildirib.

Ben Hoces vurğulayıb ki, Rusiya neft və qaz ixracından əldə etdiyi gəliri itirərsə, hücumlarını maliyyələşdirə bilməyəcək. Bundan əlavə, neft və qaz sektoruna hücumlar Rusiyanın daxili bazarında, xüsusən də hərbi sektorda müəyyən yanacaq çatışmazlığı yaradacaq.