Genişmiqyaslı zərbələr | Rusiya Ordusu bu hücumları cavabsız qoymadı

Ukrayna Ordusu Rusiyaya dron hücumu edib.

Rusiya Müdafiə Nazirliyinin məlumatına görə, 170 pilotsuz uçuş aparatı zərərsizləşdirilib. Bryanskda 48 dron vurulub.

Rusiyanın hava hücumundan müdafiə qüvvələri digər PUA-ları Voronej, Nijeqorodsk, Rostov, Kursk, Kaluqa, vilayətləri və Moskva regionunda məhv edib.

Həmçinin Moskva şəhərinə hücum edən 6 dron vurulub. Tula, Ryazan, Volqoqrad, Novqorod, Belqorod, Orlov və Lipetsk də PUA hücumuna məruz qalıb.

Rusiya Ordusu bu hücumları cavabsız qoymayıb. Ukraynada PUA və raket hücumuna görə hava həyəcanı sirenləri işə düşüb.

Rusiyanın Ukraynaya genişmiqyaslı hava hücumuna görə sərhədə yaxın ərazilərdə təhlükəsizliyi təmin etmək üçün Polşanın qırıcı təyyarələri də havaya qalxıb. Bu addım həm də hava məkanının pozulmasının qarşısını almaq üçün qabaqlayıcı tədbir kimi şərh olunub.

Zaporojye də atəşə tutulub, yaşayış binaları zədələnib. Yataqxanaya endirilən zərbə nəticəsində yaralananlar var.

Ukrayna Silahlı Qüvvələrinin Baş Qərargahının yaydığı məlumata görə, sutka ərzində Rusiyanın 960 hərbçisi məhv edilib. Bununla da Rusiya Ordusunun müharibədəki itkiləri 1 milyon 140 860 nəfərə çatıb.