Görən heyrətlənir | Tərk edilən qeyri-adi şəhər hansı məqsədlə salınıb?

Dünyanın ən qədim şəhəri olan Maçu Piçu Perunun sərt dağları arasında yerləşir.

İnka imperiyasına aid olan şəhər tam aydınlaşmayan sirləri ilə diqqət çəkməyə davam edir.

1911-ci ildə Hirəm Binqem tərəfindən yenidən kəşf ediləndən bəri aparılan araşdırmalar Maçu Piçunun kim üçün və hansı məqsədlə inşa edildiyinə hələ də qəti cavab verə bilmir.

Bəzi arxeoloqlara görə, bu yer kral ailəsi üçün bir istirahət məkanı olub, digərlərinə görə isə dini bir mərkəz. Lakin heç bir nəzəriyyə bu qədər çətin keçilən ərazidə bu dərəcədə möhtəşəm və mürəkkəb quruluşun niyə tikildiyini tam izah edə bilmir.

Tonlarla ağırlığı olan daşların millimetrik dəqiqliklə bir-birinə oturması, üstəlik heç bir sement və ya məhlul istifadə olunmadan qurulması günümüzün texnologiyası ilə belə təəccüb doğurur.

Geoloji analizlər bu tikililərin seysmik hərəkətlərə davamlı olduğunu göstərir. Bəzilərinə görə, bu strukturlar yalnız memarlıq baxımından deyil, həm də astronomik bələdçi funksiyasını daşıyırdı. Günəş, ulduzlar və bərabərlik günləri ilə olan uyğunluq bu fikri gücləndirir.

Maçu Piçu 16-cı əsrdə ispan müstəmləkəçiləri tərəfindən tapılmadan öncə tərk edilib. Arxeoloji izlər şəhərin tələsik boşaldıldığını göstərsə də, ardında qalan səssizlik bu sualın cavabını hələ də gizli saxlayır.