Güclü daşqın fəlakətə səbəb oldu | Anbaan görüntülər

Amerika Birləşmiş Ştatlarının Arkanzas ştatında baş verən güclü daşqın binalara və infrastruktura ciddi ziyan vurub.

Sosial şəbəkələrdə yayılan görüntülərdə maşınların suda üzdüyü, körpülərin dağıldığı görünür.

Yerli administrasiyadan onlarla insanın təxliyə olunduğu vurğulanıb. Hələlik xəsarət alanlar və itkin düşənlər barədə məlumat yoxdur. Lakin maddi ziyanın miqyasının böyük olduğu vurğulanıb.

Qeyd edək ki, bir gün əvvəl Kanadanın Toronto şəhəri də təbii fəlakətin əsarətində olub. Güclü yağışlar nəticəsində şəhərin bir neçə rayonu su altında qalıb.