Gürcüstan kütləvi etirazlarla silkələnir | “Divanlarınızdan qalxın, imkan verməyin ki...”

“Bu gün bu ölkədə yeganə qanuni institut mənəm, bu ölkənin yeganə qanuni nümayəndəsiyəm, cəmiyyətimiz adından dünyaya danışmaq hüququna malik olan yeganə insanam. Mən bunu edəcəyəm və sona qədər burada, sizin və ictimaiyyətin yanında olacağam”.

Bu sözləri Gürcüstan Prezidenti Salome Zurabişvili xalqa təcili müraciətində deyib.

Gürcüstan Prezidenti “divandan qalxmağa və təslim olmamağa” çağırıb:

“Televizor qarşısında oturanlara, ona baxmayanlara müraciət edirəm: ümidinizi itirməyin, heç kimə cəsarət edib bugünkü etirazı öldürməyə imkan verməyin. Dözümsüzlük, itaətsizlik və müqavimət – siz sona qədər sadiq olduğunuz kimi mən də buna sona qədər sadiq olacağam”.

S.Zurabişvili ayrıca polis, ordu, AB ölkələrinin səfirləri və Gürcüstan diplomatik korpusuna da müraciət edib.

Qeyd edək ki, Gürcüstanın Baş naziri İrakli Kobaxidze ölkəsinin AB-yə üzvlük danışıqlarını 2028-ci ilə qədər dayandırdığını və Avropanın qrantlarından imtina etdiyini açıqlayıb. Bu xəbərin ardınca S.Zurabişvili AB-nin Gürcüstandakı diplomatik nümayəndəlikləri ilə təcili görüş keçirib. Müxalifət isə “Gürcü Arzusu”nun baş ofisinin və parlament binasının önündə aksiyaya başlayıb.