Gürcüstanda aksiya zamanı qarşıdurma yaşanıb

Gürcüstanda "Xarici təsirin şəffaflığı haqqında" qanun layihəsi əleyhinə etirazlar davam edir.

Rustaveli prospektini bağlayan minlərlə nümayişçi parlamentin girişlərini tutmağa cəhd edib. Əraziyə çox sayda xüsusi təyinatlı polis cəlb olunub. Təhlükəsizlik qüvvələri ilə etirazçılar arasında qarşıdurma yaşanıb.

Polis bir neçə dəfə gözyaşardıcı qazdan istifadə edib, bəzi şəxsləri saxlayıb.

Ölkənin Daxili İşlər Nazirliyi etirazçılara müraciət edərək qanunla müəyyən edilmiş sərhədləri aşmamağa, polisin qanuni tələblərinə riayət etməyə çağırıb.

Aksiyaçılar qanun layihəsinin lehinə səs verən 83 deputatın cavab verməli olduğunu bildiriblər.