Gürcüstanın şimalında zəlzələ oldu

Gürcüstanın şimalında 4,4 maqnitudalı zəlzələ baş verib.

Bu barədə Gürcüstanın Milli Seysmik Monitorinq Mərkəzindən məlumat verilib.

Qeyd olunub ki, yeraltı təkanların ocağı beş kilometr dərinlikdə yerləşib. Zəlzələnin episentri ölkənin Oni şəhərindən dörd kilometr cənubda olub. Cəmi 7 dəqiqə sonra eyni bölgədə dörd maqnitudalı afterşok qeydə alınıb.

Tələfat və dağıntı barədə məlumat verilməyib.