Gürcüstanın vəzifəli şəxsləri öz postunu tərk edir

Gürcüstanda hakim “Gürcü Arzusu” Partiyasının Avropa İttifaqı ilə üzvlük danışıqlarının 2028-ci ilin sonunadək dayandırmaq qərarından sonra ölkənin xaricdəki səfirləri bir-bir istefa verirlər.

Ötən gün Gürcüstanın xarici işlər nazirinin müavini Teymuraz Cancaliya, ölkənin Amerika Birləşmiş Ştatlarındakı səfiri Davit Zalkaliani və Niderland Krallığındakı səfiri David Solomonia istefa verib.

Bu barədə Gürcüstanın yerli xəbər qurumları məlumat yayıb.

David Solomonia istefa ərizəsində öz vəzifə borcunu vicdanla yerinə yetirdiyini qeyd edib.

“İnanırdım ki, proseslərə müəyyən qədər də olsa, təsir edə bilərəm. Bu gün bu ümid sona çatdı”, – o bildirib.

ABŞ və Niderlandın ardınca Bolqarıstandakı səfir Otar Berdzenişvili və İtaliyadakı səfir İrakli Vekua da istefa dalğasına qoşulub. Vəzifələrindən ayrılmaq istəyənlərin bundan sonra da davam edəcəyi istisna olunmur.

Xatırladaq ki, bu ilin may ayında Gürcüstanın Fransa və Monako Knyazlığındakı fövqəladə və səlahiyyətli səfiri Qoça Cavaxişvili “Xarici agentlər haqqında” qanun layihəsinin yenidən gündəmə gətirilməsini əsas gətirərək istefa verən ilk səfir olub.