Pleyeri seçin:
Əhaliyə xeyli xəbərdarlıq mesajı göndərildi | Çili
Çilinin Bio Bio və Nuble bölgələrində baş verən meşə yanğınları nəticəsində azı 16 nəfər həlak olub.
Bu barədə ölkənin ictimai təhlükəsizlik naziri Luis Kordero məlumat verib.
Nazirin sözlərinə görə, təkcə Bio Bio bölgəsində 15 ölüm faktı təsdiqlənib. Hökumət şənbə günü Nuble bölgəsində daha bir nəfərin həyatını itirdiyini açıqlayıb.
Luis Kordero vurğulayıb ki, göndərilən təxliyə xəbərdarlıqları insanların qorunmasında mühüm rol oynayıb və indiyədək risk altında olan ərazilər üçün 87-dən çox xəbərdarlıq mesajı göndərilib.
Nazir əlavə edib ki, yanğının qarşısı alındıqdan sonra hüquq-mühafizə orqanları və yanğınsöndürənlərin apardığı qiymətləndirmələr nəticəsində ölənlərin sayının arta biləcəyi istisna edilmir.
Dron çəkilişlərindən yanğınların geniş ərazilərə ciddi ziyan vurduğunu açıq-aşkar görmək mümkün olur. Yanğınlar zamanı binalar, yaşayış evləri və meşə sahələri yararsız hala düşüb.
Kopyalandı
#Çili teqi istifadə olunub
Seçilmişlər
