Harvard Universitetində gözlənilməz istefa

Dünyanın ən reytinqli ali təhsil və elm mərkəzlərindən olan Harvard Universitetinin rektoru Klodin Qey istefa verib.

Bu barədə universitetin saytında məlumat dərc edilib.

Bildirilib ki, Harvardın ilk qaradərili rektoru olan Klodin Qey bir müddət əvvəl yəhudilərə qarşı keçirilən etiraz aksiyası səbəbindən vəzifəsindən ayrılıb.

Nümayişdən sonra aksiya keçirən tələbələrin təhsil aldığı universitetlərlə bağlı tənqidləri ABŞ Konqresində səsləndirildi. Təzyiqlərlə üzləşən rektor bundan sonra istefa vermək qərarına gəlib. O, açıqlamasında bu qərarın inanılmaz dərəcədə çətin olduğunu, Harvard Universitetinə daha çox ziyan dəyməməsi üçün bu addımı atdığını bildirib.

“Şura üzvləri ilə məsləhətləşmələrdən sonra məlum oldu ki, mənim istefa verməyim universitetin xeyrinədir”, – deyə o, fikrini tamamlayıb. Onu müvəqqəti olaraq, prorektor Alan Qarber əvəzləyəcək.

Qeyd olunur ki, Qeyin rektor kimi fəaliyyəti Harvard Universitetinin tarixində ən qısamüddətli olacaq. Belə ki, o, bu vəzifədə cəmi altı 6 keçirib.