Tramp administrasiyasından növbəti maraqlı qərar

23 may 2025 477 baxış

Donald Tramp administrasiyası Harvard Universitetinin xarici ölkələrdən tələbə qəbul etməsini dayandırıb.

Bu barədə “The New York Times” məlumat yayıb.

Qeyd olunur ki, daxili təhlükəsizlik naziri Kristi Noemin təhsil ocağına “Sizə məlumat verirəm ki, Harvard Universitetinin beynəlxalq tələbə və akademik mübadilə proqramının lisenziyası ləğv edilib” cümlələri yazılan məktub göndərib.

Tramp və onun administrasiyası Harvard və digər nüfuzlu Amerika universitetləri ilə bağlı dəfələrlə açıqlamalar verib.

Səlahiyyətlilərin fikrincə, təhsil ocağı İsrailin Qəzza zolağındakı hərbi əməliyyatlarına qarşı çıxan fələstinpərəst fəallardan yəhudiəsilli tələbələrin tam təhlükəsizliyini təmin edə bilməz.

Bundan əvvəl ABŞ-nin Səhiyyə və İnsan Xidmətləri Departamenti Harvard üçün nəzərdə tutulan 60 milyon dollarlıq federal qrantı ləğv edib.

Departamentin məlumatına görə, universitet antisemitizm, etnik və irqi ayrı-seçkilik məsələlərini həll edə bilmir.

#ABŞ