Pleyeri seçin:
Həkimlər “sağ qalmayacaq” dedilər, amma... | Alma çəkisində olan körpənin möcüzəvi mübarizəsi
Xəbərlərimizi Google-da izləyin
Yeniliklərdən dərhal xəbərdar olun
Kiçik Yu Syuən 13 aylıq fasiləsiz mübarizədən sonra ilk dəfə xəstəxana divarlarının kənarındakı dünyanı görüb.
O, doğulanda cəmi 212 qram – iri bir alma çəkisində olub. Boyu isə 24 santimetr idi.
Sinqapur Milli Universitet Xəstəxanasının mütəxəssisləri etiraf edirlər ki, onun sağ qalma şansı olduqca az görünürdü.
Yu Syuən hamiləliyin 25-ci həftəsində təcili qeysəriyyə əməliyyatı nəticəsində dünyaya gəlib. İlk aylarını küvəzdə keçirib, süni tənəffüs aparatına və monitorlara qoşulub. Həkimlər hər gün risklər və ümid arasında balans quraraq müalicə prosesini tənzimləyiblər.
Xəstəxanadan çıxarılarkən körpənin çəkisi 6,3 kiloqrama çatıb. Ağciyərlərindəki xroniki xəstəlik səbəbi ilə hələ də tənəffüs dəstəyinə ehtiyacı olsa da, həkimlər inanırlar ki, zamanla orqanizmi güclənəcək.
Yu Syuən təkcə sağ qalmaqla kifayətlənməyib, o, sübut edib ki, ən zəif başlanğıc belə böyük bir qələbə hekayəsinə çevrilə bilər.
Kopyalandı
Seçilmişlər
