Hələ ki məqsədimizə çatmamışıq | Putin hər şeyi danışdı

“2008-ci ildə Buxarestdə keçirilən sammit zamanı bildirildi ki, NATO-nun qapıları Ukrayna və Gürcüstan üçün açıqdır. Hər şey ondan sonra başladı, NATO öz qaydalarını diqtə etməyə çalışdı. 2014-cü ildə Ukraynada dövlət çevrilişi həyata keçirdilər, onlar Krım üçün təhlükə yaratdılar, biz oranı öz himayəmizə götürmək məcburiyyətində qaldıq”.

Bunu Rusiya Prezidenti Vladimir Putin amerikalı jurnalist Taker Karlsona müsahibəsində deyib.

“NATO-nun əli ilə 2014-cü ildə Donbassda mülki şəxslərə qarşı aviasiya və artilleriyanın köməyi ilə müharibəyə başlanıldı. Ukrayna Rusiya ilə müharibəni elə həmin zaman, 2014-cü ildə başladıb. Bizim məqsədimiz isə bu müharibəni sonlandırmaqdır. 2022-ci ildə başlayan hərbi əməliyyatlar illər öncə başlayan münaqişəyə son qoymaq məqsədini güdür. Biz hələ ki istəyimizə çatmamışıq”, – o bildirib.