HƏMAS-dan İsrailə kütləvi raket hücum: 35 israilli əsir götürüldü

HƏMAS-ın İsrailə hücumu nəticəsində Sderot qəsəbəsində 20-dən çox ölən var, 500-dən çox insan yaralanıb.

İsrail mətbuatında verilən məlumatlarda bildirilir ki, HƏMAS qruplaşması Qəzza zolağından İsrailin cənubuna və mərkəzinə kütləvi raket zərbələri endirir. Silahlılar artıq sərhəddə yerləşən bir sıra ərazilərə keçiblər. Bir neçə şəhərdə toqquşmalar yaşanır.

HƏMAS hərəkatı 35-ə yaxın israillinin əsir götürüldüyünü açıqlayıb. Bu barədə Əl-Hədas telekanalı xəbər verib.

HƏMAS qruplaşması İsrailin Kərəm Əbu Salim sərhəd-buraxılış məntəqəsi və onun ətrafındakı hərbi obyekti ələ keçirdiyini açıqlayıb. Onlarla İsrail hərbçisi qətlə yetirilib. Dinc əhali hədəfə aldığından insanlar avtomobilləri ataraq qaçırlar.

Qeyd edək ki, oktyabrın 7-si səhər saatlarında Qəzza zolağından olan radikallar İsrail ərazisinə raket zərbələri endiriblər. Məlumata görə, 20 dəqiqə ərzində İsrailə 5000 raket buraxılıb.