HƏMAS-ın İsrailə hücumları davam edir: ölənlərin sayı artdı

HƏMAS-ın hücumu nəticəsində ölən İsrail vətəndaşlarının sayı 1008 nəfərə çatıb.

Bu barədə İsrailin ABŞ-dəki səfirliyi məlumat yayıb. Hücum nəticəsində yaralananların sayının isə 3418 nəfərə çatdığı qeyd olunub.

Xatırladaq ki, oktyabrın 7-si səhər saatlarında İsrail ərazisi Qəzza zolağından raket atəşinə tutulub. İsrail hakimiyyəti ölkədə müharibə vəziyyəti elan edib və HƏMAS-ın hücumlarına cavab olaraq “Dəmir Qılınclar” əməliyyatına başlanıldığını bildirib.