HƏMAS liderlərindən biri zərərsizləşdirildi: İsrail kəşfiyyatı hadisəni öz üzərinə götürdü

HƏMAS-ın hərbi qanadının liderlərindən biri öldürülüb. Bu barədə məlumat hərbi təşkilat tərəfindən təsdiqlənib.

Məlumatda deyilir ki, İsrail Müdafiə Qüvvələrinin Qəzza zolağında, HƏMAS-a məxsus hərbi hədəflərə endirdiyi aviazərbələr nəticəsində təşkilatın hərbi qanadının liderlərindən biri, zolağın mərkəzi hissəsinin komandiri Ayman Nofel öldürülüb.

İsrail Müdafiə Qüvvələrinin Hərbi Kəşfiyyat İdarəsinin rəhbəri general-mayor Aharon Haliva HƏMAS-ın qəfil hücumuna gətirib çıxaran kəşfiyyat uğursuzluqlarına görə məsuliyyət daşıdığını bildirib.

“Son 11 gündə Hərbi Kəşfiyyat İdarəsinin bölmələrinə etdiyim bütün səfərlərdə müharibənin başlanğıcının kəşfiyyat uğursuzluğu olduğunu vurğulamışam. Mənim komandanlığım altında olan Hərbi Kəşfiyyat İdarəsi HƏMAS-ın törətdiyi terror hücumu barədə xəbərdarlıq etməyib. Biz ən mühüm missiyamızı yerinə yetirə bilməmişik və Hərbi Kəşfiyyat İdarəsinin rəisi kimi mən uğursuzluğa görə tam məsuliyyət daşıyıram. Nəyi araşdırmaq lazımdırsa, dərin və əhatəli şəkildə araşdırıb, nəticə çıxaracağıq. Ancaq indi yalnız qarşıda bir vəzifə var: mübarizə aparmaq və qalib gəlmək”, – general-mayor Aharon yazdığı məktubda bəyan edib.