Hər kəsin diqqətini çəkən qayıq | “Candela” hansı rekorda imza atdı?

“Candela Hidrofoil” qayığı yeni dünya rekordunu müəyyənləşdirib.

Elektrikli qayıq Stokholm ilə Baltik dənizindəki Aland adası arasında 24 saat ərzində 777 kilometr, yəni 420 dəniz mili məsafə qət edib.

“Candela” qayığının yaradıcılarının sözlərinə görə, bununla da onların gəmisi bir gündə elektrik qayığının sürdüyü ən uzun məsafəyə görə bir ilkə imza atıb. Əvvəlki rekord 20 saatda 79 dəniz mili olub.

“Candela” qayığının 24 saatlıq səyahəti zamanı şarj fasilələri də daxil olmaqla orta sürəti 17 düyün təşkil edib. Bu qayıq innovativ hidrofoil texnologiyasından istifadə edərək “C-8” tipli adi elektrik qayıqları ilə müqayisədə enerji sərfiyyatını 80 % azaldaraq qanadları ilə suyun üzərində qalxır. Bununla da “Candela” daha az yanacaq xərcləri ilə digər qayıqlardan fərqlənir.

“Candela”nın geniş istifadəsinə gəldikdə isə qayıq Stokholm su yollarında bu il istifadə olunacaq. Qayığın tutumu 30 sərnişinin bir nöqtədən digərinə çatdırılmasına imkan verir.