Hindistan və Ermənistanın hərbi əlaqələri möhkəmlənir | Ermənilər nəyə çalışır?

“İrəvan Hindistanın 155 mm-lik kalibrli ATAGS silahlarının tədarükündə maraqlıdır. Yeni hərbi təchizatlar vacibdir. Biz də müttəfiq kimi siyasi iqtisadi və hərbi əlaqələrin möhkəmləməsini istəyirik”.

Bu sözləri Hindistanın Müdafiə Tədqiqatları və Təhlilləri İnstitutunun baş direktoru Sucan Çinoy deyib.

O, öz açıqlamasında bildirib ki, Ermənistan həmçinin təxminən 250 milyon dollar dəyərində çoxbarrelli “Pinaka” raket buraxılış qurğularının alınmasını da nəzərdən keçirir.

Xatırladaq ki, Ermənistanla Hindistan arasında silah satışı üzrə hərbi sövdələşməyə dair artıq 3 startap mövcuddur. Sucan Çinoyun sözlərinə görə, daha 120 layihənin həyata keçirilməsi planlaşdırılır.