“Hizbullah” belə məhv ediləcək? - Müharibə fələstinlilərin xeyrinə bitməsə...
İsrail Müdafiə Qüvvələri Livana hücum üçün döyüş planlarını təsdiqlədiyini bəyan edib.
Eyni zamanda İsrailin xarici işlər naziri Eli Koen genişmiqyaslı müharibə olacağı təqdirdə Livan “Hizbullah”ının məhv ediləcəyini bildirib.
“Vəziyyətin qiymətləndirilməsi çərçivəsində Livanda hərbi hücum əməliyyatları planları təsdiq edilib və yerlərdə qoşunların döyüş hazırlığının artırılmasının davam etdirilməsi ilə bağlı qərarlar qəbul edilib”, – deyə qeyd edilib.
“Hizbullah” lideri Həsən Nəsrullah isə Qəzza zolağında müharibə fələstinlilərin xeyrinə bitməsə, İsraillə genişmiqyaslı döyüşlərə icazə verib.
İsrail Müdafiə Nazirliyi HƏMAS-la danışıqların nəticəsindən asılı olmayaraq, İsrail Ordusunun “Hizbullah”a qarşı hücumlarını gücləndirəcəyini qeyd edib.