Hörmüz boğazının minalardan təmizlənməsi prosesində Türkiyənin rolu - Baku TV

“İran Silahlı Qüvvələri istənilən mümkün hücuma cavab verəcək”.

Bunu İranın Xarici İşlər Nazirliyinin sözçüsü İsmayıl Bəqai deyib.

“ABŞ uranın zənginləşdirilməsi və İranın dondurulmuş aktivlərinə çıxışı təmin etməlidır”, – deyə XİN rəsmisi qeyd edib.

Onun sözlərinə görə, iki tərəf arasında məlumat mübadiləsi pakistanlı vasitəçilər vasitəsilə davam edir. “ABŞ sanksiyalara son qoymalıdır”, – deyə Bəqai sözlərinə əlavə edib.

Bu arada, Türkiyənin xarici işlər naziri Hakan Fidan Koreya Respublikasının yerli televiziya kanalına verdiyi müsahibədə bildirib ki, Türkiyə müvafiq təşəbbüs göstəriləcəyi təqdirdə Hörmüz boğazının minalardan təmizlənməsinə kömək etməyə hazırdır.

“Biz həll yolu axtarışının bir hissəsi olmağa və xahiş olunarsa, qarşı tərəflər arasında davam edən bu prosesi asanlaşdırmağa hazırıq. Beləliklə, tərəflər arasında razılıq əldə olunarsa və ya bizdən boğazın minalardan təmizlənməsi prosesinə töhfə verməyimiz istənilərsə, o zaman bunu məmnuniyyətlə edəcəyik”, – deyə o, sözlərinə əlavə edib.