İki ölkə liderləri nələri müzakirə etdi? | Vacib danışığın detalları

Ukrayna Prezidenti Volodimir Zelenski ilə amerikalı həmkarı Donald Tramp arasında telefon danışığı baş tutub.

Zelenski Trampla telefon danışığının təfərrüatlarını açıqlayıb.

Xarici mediada yayılan xəbərə görə, Ukrayna lideri Trampla telefon danışığında Avropa liderlərinin iştirak etdiyini bildirib.

Onun sözlərinə görə, söhbət zamanı Moskvada ABŞ-nin xüsusi nümayəndəsi Stiven Uitkoffun Rusiya Prezidenti Vladimir Putinlə görüşündə elan edilənləri müzakirə ediblər.

“Bizim tərəfdaşlarımızla ümumi mövqeyimiz tamamilə aydındır: müharibə başa çatmalıdır və bu, vicdanlı son olmalıdır”, ‒ deyə Zelenski vurğulayıb.

O bildirib ki, Ukrayna mütləq öz müstəqilliyini qoruyacaq.

“Ölkəmiz uzunmüddətli və davamlı sülh istəyir. Rusiya başladığı müharibəyə son qoymalıdır. Ukraynanı dəstəkləyən hər kəsə təşəkkür edirəm”, ‒ deyə Ukrayna lideri qeyd edib.

Qeyd edək ki, bu, həftə ərzində ölkə liderlərinin ikinci telefon danışığıdır. Onlar sonuncu dəfə avqustun 5-də telefonla danışıblar.