İl yarım idi ki, hazırlaşırdıq | Zelenski rusları dəhşətə gətirən əməliyyatın detallarını açıqladı

“Bu, bizim ən uzun müddət hazırlanan əməliyyatımız oldu”.

Bunu Ukrayna Prezidenti Volodimir Zelenski özünün sosial şəbəkə hesabında yazıb.

“Ukrayna Təhlükəsizlik Xidmətinin rəhbəri Vasil Malyuk bugünkü əməliyyatla bağlı hesabat təqdim etdi. Möhtəşəm nəticədir! Planlaşdırmadan effektiv icrasına qədər 1 il 6 ay və 9 gün davam edən əməliyyat!”, ‒ paylaşımda deyilir.

Zelenski əməliyyatın hazırlanmasında iştirak edən şəxslərin Rusiya ərazisindən vaxtında çıxarıldığını qeyd edib.

“Ukrayna üçün bu uğura görə General Malyuka təşəkkür etdim. Ukrayna Təhlükəsizlik Xidmətinə əməliyyatın açıqlana biləcək təfərrüatı və nəticələri barədə ictimaiyyəti məlumatlandırmağı tapşırdım. Əlbəttə, hazırda hər şey açıqlana bilməz, lakin bu, tarix kitablarında yer alacaq əməliyyatdır. Ukrayna özünü müdafiə edir ‒ Rusiyanın bu müharibəni bitirmək ehtiyacını hiss etməsi üçün hər şeyi edirik. Bu müharibəni Rusiya başlatdı, Rusiya bitirməlidir!”, ‒ Ukrayna Prezidenti yazıb.