İlkin mərhələdə İranın qəbul etdiyi öhdəlik | Tramp nələri açıqladı? - Baku TV

Amerika Birləşmiş Ştatlarının Prezidenti Donald Tramp İranın danışıqlar zamanı nüvə silahı hazırlamamaq və satın almamaq öhdəliyini qəbul etdiyini bildirib.

“Fox News”a müsahibəsində Tramp deyib ki, ilkin mərhələdə İran yalnız nüvə silahı istehsal etməyəcəyini bəyan edib.

ABŞ liderinin sözlərinə görə, bundan sonra saziş layihəsinə İranın nüvə silahını nə hazırlayacağı, nə də hər hansı formada əldə edəcəyi barədə müddəa əlavə olunub.

O bunun mühüm dəyişiklik olduğunu vurğulayıb.

Tramp həmçinin bildirib ki, potensial razılaşma imzalandıqdan dərhal sonra Hörmüz boğazının açılması da nəzərdə tutulur.

Bu arada “New York Times” qəzetinin yaydığı məlumata görə, Tramp vitse-prezident Cey Di Vensin gələcəkdə onu əvəz edə biləcəyinə tam əmin deyil.

Bildirilib ki, Tramp son vaxtlar köməkçiləri və müttəfiqləri ilə söhbətlərində Vensin prezidentlik üçün kifayət qədər potensiala malik olub-olmadığını müzakirə edib.

Nəşrin yazdığına görə, ABŞ lideri yaxın çevrəsində tez-tez “Cey Di Vens sona qədər gedə biləcək keyfiyyətlərə malikdirmi?” sualını səsləndirir.