İlon Mask Nobelə namizəd göstərildi | Rəqibləri kimlərdir?

"SpaceX" və "Tesla" şirkətlərinin qurucusu, amerikalı milyarder İlon Mask 2024-cü il Nobel Sülh Mükafatına namizədlərdən biri olub. Təklifi norveçli deputat Marius Nilsen irəli sürüb.

"Maskın təsis etdiyi, sahib olduğu və ya rəhbərlik etdiyi bir çox texnoloji şirkətlərin məqsədi cəmiyyəti təkmilləşdirmək, həm Yer, həm də kosmos haqqında bilikləri artırmaq, eyni zamanda bütün dünyada kommunikasiya və əlaqəni təmin etməkdir", – deyə o bildirib.

İlon Maskın nüfuzlu mükafat uğrunda mübarizədə rəqibləri arasında Kolumbiya Prezidenti Qustavo Petro, “WikiLeaks”in qurucusu Culian Assanj, həmçinin İsrail və Fələstindən olan insan haqları təşkilatlarının nümayəndələri var.