İnadkar ər arvadının bu istəyini həyata keçirdi | Heyrətə gətirən hadisə

Kişi iki ildir ayrıldığı həyat yoldaşı ilə barışmaq üçün Çinin cənub-qərbinə velosipedlə 100 gündə təxminən 4 400 kilometr yol qət edib.

Əslən Çinin şərqindəki Tsyansu əyalətindən olan 40 yaşlı Çjou həyat yoldaşı Li ilə Şanxayda tanış olub və onlar 2007-ci ildə evləniblər. 2013-cü ildə cütlük ayrılsa da, tezliklə barışaraq yenidən evləniblər. Sonradan onların bir oğlu və bir qızı olub. Lakin zaman keçdikcə münasibətləri yenidən korlanıb və yaşanan münaqişələr səbəbindən boşanıblar.

Çjou fikir ayrılıqlarına baxmayaraq, əlaqə saxlamağa davam edib. Görüşlərin birində o, Liyə münasibətlərini bərpa etməyi təklif edib. Qadın isə zarafatla bildirib ki, o, evə velosipedlə gələrsə, barışmaq haqqında düşünə bilər.

Bunu eşitdikdən sonra Çjou velosiped səyahətinə ölkənin cənub-şərqindəki Nankin şəhərində başlayıb və 100 gün ərzində 4 400 kilometr qət edərək Lhasaya çatıb. Cütlük burada kiçik bir barışma mərasimi keçirib və yenidən birləşdiklərini rəsmən elan ediblər.

Maraq üçün bildirək ki, səfər zamanı Çjou iki ciddi insidentlə qarşılaşıb. Birincisi, Çinin şərqindəki Anhoy əyalətində baş verib, o, istidən əziyyət çəkib və xəstəxanada həkimə müraciət etmək məcburiyyətində qalıb.

İkincisi, daha ciddi insident Çinin mərkəzi Hubey əyalətinin İçane şəhərində baş verib. Orada Çjou isti yolda velosiped sürərkən havanın temperaturu 40 dərəcəyə çatanda yıxılıb və suyu qurtarıb. Li Çjoudan səyahəti dayandırmasını istəyib, lakin inadkar ər səfəri mütləq başa vuracağını bildirib və buna nail olub.