İnfeksiyaya qarşı dərmanı ildə neçə dəfə istifadə etmək olar? | Effektiv həll yolu

30 noyabr 2024 467 baxış

HİV infeksiyasına qarşı yeni preparat icad edilib.

“Lenacapavir” adlı inyeksiya formasında olan yeni vasitə aparılan sınaqlar zamanı müsbət nəticələr verib.

Tədqiqat zamanı onun ildə cəmi iki doza istifadə edilməklə 96 faizlik yüksək qoruma təmin etdiyi məlum olub. Bu, gündəlik oral dərmanlarla müqayisədə daha effektiv və asan seçim kimi qiymətləndirilir.

Təcrübədə real həyatda HİV-dən qeyri-mütənasib təsirlənən populyasiyaların təmsil olunmasına xüsusi diqqət yetirilib. Sınaq qrupları ABŞ, Cənubi Afrika, Peru, Braziliya, Argentina, Meksika və Tailand daxil olmaqla 88 müxtəlif məkanda cinsi və etnik müxtəlifliyi əhatə edib.

ABŞ Federal Dərman Agentliyi tərəfindən nəzərdən keçirilməkdə olan “Lenacapavir” inyeksiyasının 2025-ci ilə qədər kommersiya istifadəsinə təsdiq olunacağı gözlənilir.

Bu irəliləyiş HİV infeksiyalarının yerli və qlobal miqyasda azaldılması istiqamətində əhəmiyyətli addım kimi dəyərləndirilir.

#QİÇS xəstəliyi