Krım körpüsü niyə məhz Putin, Tramp və Si Cinpinin görüşü ərəfəsində vuruldu? - Baku TV
Yeniliklərdən dərhal xəbərdar olun
Ukraynanın Krım körpüsünə 2 gün ərzində fasilələrlə endirdiyi zərbələrdən sonra körpünün avtomobil yolu hissəsində tağın və onun altındakı aşırımın çökdüyü bildirilir.
Monitorinq mənbələrinin məlumatına görə, dağılan konstruksiyaların qalıqları Kerç boğazındakı gəmiçilik kanalını da bağlayıb. Nəticədə, gəmilərin hərəkəti məhdudlaşdırılıb. Avtomobil yolu hissəsi yararsız hala düşüb. Körpünün dəmir yolu hissəsi də zədələnib.
Ukrayna Prezidenti Volodimir Zelenski bildirib ki, ordunun Krım körpüsünə zərbəsi bir neçə həftə ərzində hazırlanan xüsusi əməliyyatın yeddinci mərhələsində həyata keçirilib. Onun sözlərinə görə, əməliyyat Ukrayna Təhlükəsizlik Xidməti və Silahlı Qüvvələrin Baş Qərargahı tərəfindən hazırlanıb və əlaqələndirilib. Krım körpüsünə zərbə əməliyyatında 11 növ raket, pilotsuz uçuş aparatı və digər hücum vasitələrindən istifadə olunub.
Rusiya tərəfindən reaksiyalara gəldikdə isə Krımın Rusiya tərəfindən təyin edilmiş rəhbəri Sergey Aksyonov hücumdan sonra avtomobillərin hərəkətinin məhdudlaşdırıldığını təsdiq edib. Rusiya Baş nazirinin müavini Marat Xusnullin 16 və 17 noyabr tarixlərində Ukraynanın hücumundan sonra Krım körpüsü ətrafında vəziyyət barədə Prezident Vladimir Putinə məruzə edib. Putinin mətbuat katibi Dmitri Peskov bildirib ki, Krım körpüsü bərpa ediləcək və əvvəlkindən də yaxşı olacaq.
Məsələnin ən əhəmiyyətli tərəfi odur ki, Krım körpüsünə hücum Vladimir Putin, Si Cinpin və Donald Tramp arasında gözlənilən üçtərəfli görüşə saatlar qalmış həyata keçirilib. Bu baxımdan Kremlin rəsmi nümayəndəsi Dmitri Peskovun sözlərinə görə, Kiyevin son hücumlarının Putin, Tramp və Si Cinpin arasında Şençjendə keçirilən görüşlə əlaqəli olduğunu istisna etmək olmaz. Kremlin sözçüsü əlavə edib ki, bu hadisə Rusiya, ABŞ və Çin liderləri arasında danışıqların gündəliyini dəyişməyəcək.
#Volodimir Zelenski teqi istifadə olunub
- Zelenski ABŞ ilə Rusiya arasındakı razılaşma barəsində danışdı- Baku TV CANLI
- ABŞ Rusiya ilə razılığa gəlib?
- Rusiya, Çin və ABŞ liderləri bu tarixdə görüşəcək | Sürücülərə xəbərdarlıq - YENİ BİR SƏHƏR
- Putin nə vaxt geri çəkiləcək? | Zelenski müharibənin taleyini həll edəcək şərti açıqladı - Baku TV
- "Bu görüş mümkün deyil, çünki Putin bizi həmişə aldadır" | Zelenski və Putin görüşəcək? - Baku TV
