Bu şəhərdə tələbələr kirayəni belə ödəyir | “Oktoberfest”də ofisiantlar nə qədər qazanır?
Yeniliklərdən dərhal xəbərdar olun
“Oralarda necədir?” rubrikasının yeni buraxılışında Bakıdan 3131 kilometr məsafədə, İzar çayının sahilində yerləşən Almaniyanın Münxen şəhərindən bəhs edilib.
Bu şəhər 1810-cu ildən keçirilən dünyaca məşhur “Oktoberfest” pivə festivalı ilə tanınır.
Münxendə elə bütün Almaniyada olduğu kimi, dünyaya övlad gətirmək havayıdır. Bir yaşından sonra uşaqlar kiçik özəl bağçalara gedə bilərlər. Uşağı tək böyüdən və gəliri az olan analar bağçaya pul vermirlər, dövlət belə hallar üçün müavinət ayırır.
Məktəblərdə şagirdlər dördüncü sinfə qədər eyni sistemdə təhsil alırlar. Daha sonra bacarıqlarına uyğun istiqamətlərə yönləndirilirlər.
Almaniyada dövlət universitetlərində təhsil pulsuzdur, qəbul üçün imtahanlar keçirilmir. Tələbələr dərs cədvəllərini özləri planlaşdırırlar. Yataqxanalarda yer tapmayanlar yaşlı insanların evində qalaraq ev işlərində kömək edə bilərlər.
Münxen dünyaca məşhur “Oktoberfest” pivə festivalı ilə ad qazanıb. Dünyanın müxtəlif yerlərindən gələn milyonlarla turist bu bayrama qatılır. Adi ofisiantın bu zaman kəsiyi ərzində qazancını demək yetərlidir ki, bu festivalın necə sərfəli olduğu aydınlaşsın. Bu məbləğ 10 000 avro (18 953 manat) civarındadır.
Burada həmçinin cütlüklər uzun illər rəsmi nikah olmadan birlikdə yaşaya bilirlər. Bunun səbəblərindən biri boşanma prosesinin mürəkkəbliyidir. Boşanmaq istəyənlər bir il ayrı yaşamalıdırlar.
#Almaniya teqi istifadə olunub
- Almaniya Cənubi Qafqazda Avropanın təsirini artırmaq istəyir?
- Avropa Cənubi Qafqazda daha çox söz sahibi olmaq istəyir? - AKTUAL GÜNDƏM
- İlham Əliyev Almaniyanın xarici işlər naziri Yohan David Vadefulla nələri müzakirə etdi? - Baku TV
- Merkeldən açıqlama
- Avropada supervulkanla bağlı narahatlıq yaranıb
