İngilislər işi korlamağa çalışır, Ukrayna isə... | Müharibə ilə bağlı sensasiyalı çıxış

Vladimir Putin açıq şəkildə bəyan edib ki, qısamüddətli atəşkəs olacağı təqdirdə Kiyevin ondan hərbi əməliyyatların bərpası üçün Ukrayna qüvvələrini yenidən qruplaşdırmaq və gücləndirmək üçün istifadə edəcəyi riski yüksəkdir.

Bu sözləri “Axar”a Ukraynanın 30 günlük atəşkəslə razılaşmasını şərh edən rusiyalı ekspert Vitali Arkov deyib.

“Məhz Ukrayna nümayəndə heyəti Səudiyyə Ərəbistanına 30 günlük atəşkəs təşəbbüsü ilə getmişdi. Amerika heyəti isə Ağ Evlə razılaşdırdıqdan sonra onları dəstəklədi və bunu Donald Trampın başlatdığı münaqişənin həlli prosesində ilk real nailiyyət kimi təqdim etmək qərarına gəldi. Guya D.Tramp Volodimir Zelenskiyə təzyiq etdi və o, Ağ Evin tələbləri ilə razılaşmağa başladı.

Nəzərə alsaq ki, Kiyev son vaxtlar Vaşinqtonun deyil, London və Parisin göstərişlərinə əməl edir, onların bu təşəbbüsdə iştirakını istisna etmək olmaz. Onlar Moskvanın Kiyevin təşəbbüsünü dəstəkləməkdən imtina etməsinə ümid edir.

Bu, birincisi, D.Trampın bir aydan az müddətdə yenidən axmaq vəziyyətə düşməsinə, ikincisi, onu V.Putinə qarşı qoyub onların şəxsi görüşünü və tarixi razılaşmanın bağlanmasını pozmasına səbəb ola bilər.

Əgər bu həqiqətən də belədirsə, deməli, inglislər işi yenə zibilləməyə çalışırlar. Amma bütün bunlara baxmayaraq, iki müdrik insan, zəmanəmizin ən böyük siyasətçiləri avropalı intriqaçıların və ukraynalı axmaqların onları tələyə salmalarına imkan verməyəcək, öz məqsədlərinə doğru birgə addımlayacaqlar”, – o bildirib.