“İran Hörmüz boğazına nəzarəti özündə saxlamaq niyyətindədir” | Əhməd Baxşiş Ərdəstani

İranın Milli Təhlükəsizlik və Xarici Siyasət Komissiyasının üzvü Əhməd Baxşiş Ərdestani rəsmi Tehranın Hörmüz boğazı ilə bağlı strateji planlarını açıqlayıb. Baku TV-nin məlumatına görə, Ərdestani İranın bu mühüm su yoluna tam nəzarəti özündə saxlamaq niyyətində olduğunu və bölgədəki hər hansı xarici hərbi müdaxiləyə sərt cavab veriləcəyini vurğulayıb. O bildirib ki, Hörmüz boğazı İranın milli təhlükəsizliyinin ayrılmaz hissəsidir və qlobal enerji daşımalarında həlledici rol oynayan bu keçid üzərində suverenlik müzakirə mövzusu ola bilməz. Bu açıqlama ABŞ və müttəfiqlərinin regiondakı aktivliyi fonunda gərginliyin daha da artmasına səbəb olub. Videoda İran rəsmisinin iddiaları, boğazın hərbi-strateji əhəmiyyəti və mümkün blokadanın dünya iqtisadiyyatına verə biləcəyi zərbələr barədə hərbi ekspertlərin rəyləri təqdim olunur.