İran İsrailə qarşı hücumları gecəboyu davam etdirib

İranın İsrailə etdiyi raket və dron hücumları ilə bağlı İsrail rəsmiləri açıqlamalar verib.

Müdafiə Qüvvələrinin sözçüsü Daniel Haqari hücumun hələ də bitmədiyini, ölkəyə yaxınlaşan ballistik raketlərin vurulduğunu bildirib.

“Bütün bu müddət ərzində hərbi bazalardan birinə cüzi ziyan dəyib. Zərər azdır. İndiyə qədər bizə 200-ə yaxın raket atılıb", – deyə İsrail rəsmisi qeyd edib.

Həmçinin İsrail mediası Ramon aviabazasına 7 raketin düşdüyünü və cüzi dağıntıların olduğunu yazıb.

İsrail Baş Nazirinin müşaviri İranın ballistik raketlər vasitəsilə Qüdsün tarixi mərkəzinə, Davudun məbədinə və ağlama divarına zərbələr endirməyə cəhd edildiyini, raketlərin havada vurulduğunu və buna görə İranın cavab verəcəyini deyib.

Ölkənin mədəniyyət naziri Miki Zohar isə İsrailin İrana misli görünməmiş güclə zərbə vurmaq üçün beynəlxalq legitimlik əldə etdiyini bildirib.

Bunlarla yanaşı, Əlcəzair zərurət yaranarsa, İranı hərbi əməliyyatlardan və qeyri-qanuni güc tətbiqindən qorunmaq üçün əlavə müdafiə tədbirləri görməkdən çəkinməyəcəyini qeyd edib.

BMT-nin Baş katibi Antonio Quterreş isə “X” hesabındakı paylaşımında İranın İsrailə hücumunu pisləyib. Baş katib dünyanın yeni bir müharibəyə tab gətirə bilməyəcəyini deyib.