İran İsrailin "Dəmir Qübbə"sini vurdu | İran əsas hədəfini açıqladı

İranın İsrailə etdiyi hücumlar fonunda “Hizbullah” İsrailin hava hücumundan müdafiə sistemi "Dəmir Qübbə" batareyalarından birini məhv etdiyini açıqlayıb.

İran mediasında yayılan başqa bir məlumata görə, İsrailə qanadlı raketlər göndərilib və onların İraq səmasından keçdiyi bildirilib. Raketlərin 12 dəqiqə ərzində hədəfə çatacağı qeyd olunub.

“New York Times” isə İran raketlərinin və PUA-larının Qolan və Negev səhrasındakı hərbi obyektləri hədəf almasını gözlədiyini bildirib. İran tərəfi İsraildəki əsas zərbə hədəflərinin hərbi bazalar, aerodromlar, komanda postları və Benyamin Netanyahunun iqamətgahı olduğunu açıqlayıb.

Qeyd edək ki, B.Netanyahu və İsrail komandanlığının tam təhlükəsiz bunkerdə olması ilə bağlı foto da yayılıb.