İran limanlarına giriş məhdudlaşdırıldı | Donald Trampdan sərt xəbərdarlıq - Baku TV

14 aprel 2026 22 baxış

ABŞ-nin Hörmüz boğazında İrana qarşı blokadası qüvvəyə minib.

Başqa sözlə desək, İran limanları və sahil sularına çıxışla bağlı yeni məhdudiyyətlər tətbiq edilib. Bu andan etibarən İran limanlarına gedən və ya limanlardan çıxan bütün gəmilər ABŞ-nin hərbi blokadası ilə üzləşəcək.

Bu məhdudiyyətlər İranın bütün sahil xəttini, o cümlədən limanları və enerji infrastrukturunu əhatə edir və limanlar, neft terminalları və sahil obyektləri ilə əlaqəli olan bütün gəmilərə şamil olunur. Hazırda İran limanlarında olan neytral gəmilərə ərazini tərk etmələri üçün məhdud güzəşt müddəti verilib.

Bu arada, ABŞ Prezidenti Donald Tramp Hörmüz boğazının blokadası ilə bağlı xəbərdarlıq edib. Onun sözlərinə görə, İran gəmiləri blokadanı yarmağa çalışacağı təqdirdə, dərhal məhv ediləcəklər.

Qeyd edək ki, ABŞ Mərkəzi Komandanlığı (CENTCOM) İrana məxsus olmayan limanlar arasında hərəkət edən gəmilərin Hörmüz boğazından keçməsinə icazə veriləcəyini bildirib.

#ABŞ-İran müharibəsi