İran rejiminin sifarişi ilə... | Azərbaycanlı kriminal avtoritetlər barədə sensasiya

30 oktyabr 2025 310 baxış

ABŞ-də iranlı jurnalist və dissident Məsih Əlinejada sui-qəsd hazırlayan iki şəxs 25 il həbs cəzasına məhkum edilib.

Bu barədə M.Əlinejadın sözçüsü məlumat verib.

Bildirilib ki, cinayətkar təşkilatın üzvləri – Rafət Əmirov və Polad Ömərov Manhettendə federal məhkəmə tərəfindən günahkar biliniblər.

Məlumata görə, hər 2 şəxs 2022-ci ilin yayında M.Əlinejada sui-qəsd etmək üçün İran rejimindən sifariş alıb. Prokurorluq hər iki şəxs üçün 55 il həbs cəzası tələb etmişdi. İttiham olunanların ikisi də Azərbaycan vətəndaşıdır.

Xatırladaq ki, 45 yaşlı Məsih Əlinejad 2009-cu ildə İrandan qaçıb. O, 2014-cü ildən etibarən sosial mediada iranlı qadınları hicab taxmaq məcburiyyətinə qarşı çıxmağa təşviq edən kampaniyaları ilə tanınıb. Onun “X”də 500 mindən, “Instagram”da isə 8 milyondan çox izləyicisi var.

Qeyd edək ki, R.Əmirov və P.Ömərov kriminal avtoritet kimi tanınırlar.

#ABŞ