İran yeni savaşın anonsunu verdi? | SEPAH-dan kritik bəyanat - Baku TV

“İran Ordusunun bütün bölmələri ən yüksək hazırlıq səviyyəsindədir və ABŞ ilə İsrailin istənilən hücumuna cavab verməyə hazırdır”.

Bunu İranın İslam İnqilabı Keşikçiləri Korpusunun (SEPAH) Tehran vilayəti üzrə briqada generalı Sərdar Həsənzadə bəyan edib.

“Müxtəlif bölmələr arasında koordinasiya və qarşılıqlı əlaqə daha da gücləndirilib. Döyüş əməliyyatları dayandırıldıqdan dərhal sonra təlimlər və yeni məşqlərə strat verdik. Bu gün korpusun ən mürəkkəb şəraitdə cavab vermə, müqavimət göstərmə və təhlükəsizliyin təmin edilməsi üzrə hazırlığı əvvəlkindən xeyli yüksək və güclüdür”, – deyə Sərdar Həsənzadə bildirib.

Xatırladaq ki, bu bəyanat ABŞ Silahlı Qüvvələrinin Mərkəzi Komandanlığının İranı atəşkəs rejimini pozmaqda ittiham etməsindən sonra yayılıb.

“ABŞ ilə İran arasında danışıqlar prosesində irəliləyiş müşahidə olunub”. Bunu isə İran parlamentinin Milli Təhlükəsizlik və Xarici Siyasət Komitəsinin üzvü Fədahüseyn Maliki deyib.

Onun sözlərinə görə, İranın təkliflərinin böyük hissəsi qəbul edilib.

Fədahüseyn Maliki əlavə edib ki, parlamentin sədri Məhəmməd Baqir Qalibaf və xarici işlər naziri Abbas Əraqçinin Qətərə səfəri çərçivəsində İranın dondurulmuş aktivləri də müzakirə edilib.

Qeyd edək ki, bir müddət əvvəl “Axios”da ABŞ və İranın anlaşma memorandumu ilə bağlı razılığa gəldiyi barədə informasiya yayılıb.