İrana məxsus məhv edilən PUA və raketlərin sayı açıqlandı - Baku TV

ABŞ Prezidenti Donald Tramp İrana qarşı hərbi əməliyyatın təxminən dörd həftə və ya daha az vaxt apara biləcəyinə inanır.

Bu barədə o, "Daily Mail" qəzetinə verdiyi müsahibədə bildirib.

"Biz bunun təxminən dörd həftə çəkəcəyini düşünürük. Çünki bu, adətən dörd həftəlik bir proses olub, hətta daha az vaxt aparacaq", – deyə Tramp qeyd edib.

ABŞ Prezidenti həmçinin İranla danışıqlar başlayacağı təqdirdə belə atəşkəsə zəmanət verməkdən imtina edib.

"Bilmirəm, tələblərimizi yerinə yetirə biləcəklərmi? İndiyə qədər bunu edə bilməyiblər", – deyə Tramp sözlərinə əlavə edib.

Bu arada, BƏƏ Müdafiə Nazirliyi bölgədə gərginliyin başlamasından bəri məhv edilən İrana məxsus PUA və raketlərin sayını açıqlayıb. Nazirliyin verdiyi məlumata görə, 500-dən çox PUA və 150 raket zərərsizləşdirilib.

"İranın hücumları başlayandan bəri hava hücumundan müdafiə bölmələri 541 dron aşkar edib ki, onlardan 506-sı məhv edilib, 35-i isə dənizə düşüb", – deyə Hərbi Nazirliyin açıqlamasında bildirilib.

Nazirlik həmçinin qeyd edib ki, İranın 165 ballistik raketi müəyyən edilib, onlardan 152-si vurulub, 13-ü isə dənizə düşüb.