İranda dolların məzənnəsi yeni tarixi rekord qırdı - Baku TV

İranın sərbəst bazarında dolların məzənnəsi 233 900 tümənə çataraq yeni tarixi rekord qırıb.

Bu barədə "Azad İran" "Telegram" kanalı xəbər verir.

Məlumata görə, Britaniya funt-sterlinqi 316 min tümən, avro 272 min tümən, Emami qızıl sikkəsi isə 242 milyon tümən məbləğində alqı-satqı edilib.

Qeyd edilir ki, iki həftə əvvəl dollar 206 400 tümənlə ticarət əməliyyatlarını başa vurub. Beləliklə də bugünkü məzənnə o vaxtkı qiymətdən təxminən 13% yüksəkdir.

Milli valyuta məzənnəsinin kəskin yüksəlişi regionda hərbi qarşıdurmanın güclənməsi fonunda baş verir. Avqustun 8-də ABŞ Mərkəzi Komandanlığı beş İran neft tankerinin məhv edildiyini elan edib. Buna cavab olaraq İslam İnqilabı Keşikçiləri Korpusu Hörmüz boğazında 20 gəmiyə hücum edildiyini bəyan edib. Eyni zamanda "Brent" markalı neftin qiyməti hazırda bir barel üçün 100 dolları keçib.