İranda Hərbi Dəniz Qüvvələrinə məxsus gəmi qəzaya uğradı

İranda hərbi gəmi qəzaya uğrayıb.

“Səhənd” freqatı Bəndər-Abbas limanı yaxınlığındakı hərbi dəniz bazasında suya batıb.

Hadisəyə səbəb kimi təmir zamanı gəminin balans çənində problemlərin yaranması və ya təmir zamanı şaxtadan freqata su daxil olması ehtimalı olduğu bildirilib. Gəminin sudan çıxarılaraq təmir edilməsinin mümkün olduğu qeyd olunub.

Xəsarət alanlarla bağlı hələ rəsmi məlumat açıqlanmasa da, “Mehr News” bir neçə nəfərin yaralandığını və xəstəxanaya yerləşdirildiyini yazıb.