İranda iğtişaşlarda təhlükəsizlik qüvvəsi əməkdaşlarının ölümü ilə bağlı milli matəm - Baku TV

12 yanvar 2026 28 baxış

İran hökuməti ölkədə baş verən iğtişaşlar səbəbindən ölənlərlə əlaqədar milli səviyyədə üçgünlük matəm elan edib.

Bu barədə İranın dövlət teleradiosu məlumat yayıb.

Bəyanatda qeyd olunur ki, matəm İranın ABŞ və İsrailə qarşı milli mübarizəsi zamanı həlak olanların xatirəsinə elan edilir.

Həmçinin bildirilir ki, İran Prezidenti Məsud Pezeşkian matəmə qoşulacaq. O, ölkə vətəndaşlarını keçiriləcək milli yürüşə çıxmağa çağırıb.

Son məlumatlara görə, ölkənin müxtəlif bölgələrində baş verən iğtişaşlar zamanı azı 38 iranlı hüquq-mühafizə orqanı əməkdaşı həlak olub. “Reuters” agentliyinin verdiyi xəbərə görə isə 490 etirazçı və 48 təhlükəsizlik qüvvəsinin öldüyü bildirilir.

Bundan əlavə, iki həftə davam edən etirazlarda 10 600-dən çox insan həbs olunub. Agentlik qeyd edib ki, bu məlumat İran daxilində və xaricindəki fəalların məlumatlarına əsaslanır.

#İran