İranda kütləvi dəfn mərasimi | Yeni ali lider necə seçiləcək? - Baku TV

“Yeni ali liderin seçilməsi uzun çəkməyəcək”.

Bunu İran Ekspertlər Məclisinin üzvü Əli Müəllimi bildirib.

O qeyd edib ki, Ekspertlər Məclisinin üzvləri yeni liderin seçilməsində fərdlərin “şəxsi üstünlüklərinin” amil olmayacağına və öz mühakimələrinə əsasən, dini prinsiplərə uyğun olaraq səs verəcəklərinə and içiblər.

Bundan başqa, yerli mediada yayılan xəbərlərdə ABŞ-İsrail birgə əməliyyatlarının Buşehr əyalətinin Cəm və Dir şəhərlərinə hücumları nəticəsində İslam İnqilabı Keşikçiləri Korpusunun hava qüvvələri və donanmasının beş üzvünün həlak olduğu bildirilib.

Qeyd edək ki, İranın cənubundakı Minab şəhərində qızlar məktəbinə edilən hücumda həlak olan tələbələrin də daxil olduğu 165 nəfər üçün kütləvi dəfn mərasimi keçirilib. İzdihamda “Amerikaya ölüm”, “İsrailə ölüm” və “Təslim olmayın” şüarları səsləndirilib.