İranda Süleymaninin məzarı yaxınlığında partlayış | ölən və yaralananlar var

03 yanvar 2024 175 baxış

İran İnqilab Keşikçiləri Korpusunun Qüds qolunun keçmiş komandanı general Qasim Süleymaninin dəfn olunduğu Kerman şəhəri qəbiristanlığına gedən Golzar Şahadai yolunda iki partlayış baş verib.

Yerli medianın məlumatına görə, hadisə Qasim Süleymaninin öldürülməsinin ildönümünün qeyd olunduğu vaxt baş verib. Məlumata əsasən, ölənlərin sayı 80-i keçib. Yaralananların sayı 170-dən çoxdur. Partlayışın səbəbi hələ ki, məlum deyil.

Qeyd edək ki, Qasim Süleymani 2020-ci il yanvarın 3-də İraqda ABŞ hərbçiləri tərəfindən zərərsizləşdirilib. “Sepah”ın Qüds qolu xarici ölkələrdə əks-kəşfiyyat fəaliyyəti ilə məşğul olub.

Bu qoşun xarici ölkələrdə müxtəlif adlar altında fəaliyyət göstərir, habelə İran hakimiyyətinin siyasi-ideoloji düşüncəsini yayaraq bu istiqamətdə təşkilatlar yaratmaqla məşğuldur. Qüds qolu həm də İraq, Suriya, Yəmən və s. yerlərdə ABŞ, İsrail və NATO-ya qarşı müxtəlif hücumlar təşkil edir.

#İran