İrandan ABŞ-nin nüvə təklifinə sərt reaksiya | “Siz kimsiniz ki...?”

ABŞ-nin İranın nüvə proqramı ilə bağlı planı İranın prinsiplərinə tamamilə ziddir.

Bu barədə İranın Ali Rəhbəri Seyid Əli Xamenei bildirib.

“The Vashington Post” yazır ki, Seyid Əli Xamenei ABŞ-nin nüvə müzakirələrindəki təklifinə qarşı çıxaraq planın rəsmi Tehranın əleyhinə olduğunu qeyd edib:

“Siz kimsiniz ki, İranın nüvə proqramı ilə bağlı qərar verirsiniz? Nüvə təklifiniz bizim güc prinsipimizə 100 % ziddir. Bir daha deyirəm, ABŞ bizim nüvə proqramımızı zəiflədə bilməyəcək. İran uranın zənginləşdirilməsi işindən əl çəkməyəcək”.

Qeyd edək ki, İranın nüvə proqramı ilə bağlı razılaşmaya nail olmaq ABŞ Prezidenti Donald Tramp və onun xüsusi nümayəndəsi Stiven Uitkoff üçün diplomatik prioritetlərdən biridir. İranın uranın zənginləşdirilməsini kəskin şəkildə məhdudlaşdırması və ya dayandırması müqabilində ABŞ İslam Respublikasına qarşı sanksiyaların bir qismini ləğv edə bilər.