İrandan atəşkəslə bağlı təcili açıqlama | ABŞ və İsrailin planları bitməyib?

İranın Milli Təhlükəsizlik üzrə Ali Şurası İsraillə müharibənin dayandırılması haqqında bəyanat yayıb.

Bəyanatda bildirilib ki, İran Ordusu İsrailin qəddarlığına cavab verib. Qisasın kulminasiyası isə ABŞ-nin Qətərdəki hərbi bazasına hücum olub.

“Onları hücuma görə peşman etdik. Məğlubiyyətlərini etiraf edib atəşkəs istədilər. İsrailin atəşkəs vədlərinə inanmırıq deyə əlimiz tətikdə qalacaq və istənilən hücuma cavab verəcəyik”, ‒ deyə bəyanatda bildirilib.

Tehrandakı Yaxın Şərq Strateji Araşdırmalar Mərkəzinin əməkdaşı Abbas Aslani isə bildirib ki, Qəzzadakı atəşkəs razılaşmaları da tez-tez pozulduğu üçün İran İsraillə əldə olunan razılığa ehtiyatla yanaşır.

Onun sözlərinə görə, atəşkəs rejimi inandırıcı görünmür, çünki ABŞ və İsrail İranda əsas məqsədlərinə çatmayıb. Burada söhbət nüvə proqramının məhv edilməsi və İranda hakimiyyət dəyişikliyindən gedir.