Dünya
Pleyeri seçin:
İrandan qisas | Konsulluğa hücum edildi, məşhur iş adamı həlak oldu
İran ABŞ-nin İraqın Ərbil şəhərindəki konsulluğuna və Hərir aviabazasına hava zərbələri endirib.
Bu barədə yerli media məlumat yayıb. Bildirilib ki, hücum zamanı 5 nəfər həlak olub, xeyli sayda yaralı var.
Xəbərə görə, dağıdıcı zərbələr İran İslam İnqilabı Keşikçiləri Korpusunun kamikadze PUA-ları, həmçinin “Fateh-110” ballistik raketləri vasitəsilə həyata keçirilib.
İraq mediası məlumat verir ki, SEPAH-ın pilotsuz təyyarələrlə endirdiyi aviazərbələr nəticəsində ABŞ-nin Ərbildəki konsulluğunun binası tamamilə dağıdılıb.
Bölgədə yaşanan gərginliklə bağlı Ağ Ev bəyanat yayaraq hücumu pisləyib. Sənəddə qeyd olunub ki, rəsmi Vaşinqton İranın İraqda sabitliyi pozan raket hücumlarına qarşıdır.
Ölkənin Milli Təhlükəsizlik Şurasının mətbuat xidmətinin rəhbəri isə İraq mediasının əksinə olaraq SEPAH-ın raket zərbələri nəticəsində Amerika hərbçilərinin və o cümlədən ölkənin heç bir obyektinin zərər görmədiyini iddia edib.
Kopyalandı
Seçilmişlər
