İranın raket hücumlarının azalma səbəbi | Hücumdan əvvəl xəbərdarlıqlar edildi, amma...

İran öz ballistik raketlərinin dəqiqliyinin 80-90 faiz olduğunu iddia edir.

İsrail isə hücum zamanı istifadə olunan raketlərin yalnız 5-10 faizinin obyektlərə dəydiyini bildirib.

Hava Hücumundan Müdafiə sistemini keçən raketlər yaşayış məntəqələrinə düşür. Hücumlar əsasən Təl-Əviv, Petah Tikva, Bney Brak, Hayfa və Beer-Şeva şəhərlərinə edilir.

İsrailin Müdafiə Ordusunun məlumatına görə, raketlərin çoxu vurulur deyə İran hücumları azaldıb.

“İsrail müdafiəsini qəfil haqlamaq üçün İran yeni hücum planları qurur. Hücum zamanı həyatda qalmağın ən asan yolu isə bomba sığınacaqlarında gizlənməkdir. Ölənlərdən çoxu təxliyə olunmayan insanlardır”, ‒ deyə məlumatda bildirilib.

Halbuki hücumdan 30 dəqiqə əvvəl xəbərdarlıq siqnalları verilir. Raket gəlməzdən 90 saniyə qabaq isə sirenlər səsləndirilir.

İsrail Müdafiə Ordusunun mətbuat katibi Effi Defrin bildirib ki, İranın raket buraxılış məntəqələrinin üçdəbiri məhv edilib.

Bu arada İranın İsfahan şəhərindəki yəhudi icması İsrailin hücumlarına qarşı çıxıb: “Qəddar rejimin hücumları dinc sakinlərin, uşaqların ölümünə səbəb olur. Ümid edirik ki, İran Təl-Əvivin layiqli cavabını verəcək.