Pleyeri seçin:
İranın raketləri uçuş zamanı hədəf dəyişə bilir?
“Raket üçün əvvəlcədən müəyyən edilmiş hədəf olsa belə, uçuşun tən yarısında bu istiqaməti dəyişdirərək yeni hədəf təyin etmək mümkündür”.
Bunu İslam İnqilabı Keşikçiləri Korpusunun rəsmi nümayəndəsi açıqlayıb.
"Raketlərimizin potensialı əvvəlki dövrlərdə olduğu kimi sadəcə bir nöqtədən atılıb digər nöqtəyə düşməklə məhdudlaşmır. Bizim raketlər tam idarəolunandır, tuşlama sisteminə malikdir və onların bəziləri düşmənin hava hücumu sistemləri qarşısında manevr edərək hərəkət istiqamətini dəyişməyə qadirdir", – deyə SEPAH-dan bildirilib.
SEPAH rəsmisinin sözlərinə görə, müasir döyüşlər tərəflərin elm və süni intellekt sahəsində rəqabət apardığı texnologiya müharibəsinə çevrilib və burada yalnız daha mütərəqqi texnologiyalara sahib olan tərəf qalib gəlir.
Əlavə olunub ki, raket üçün konkret zərbə obyekti müəyyən edilsə belə, uçuş prosesində ikinci hədəf təyin edilə bilər.
Kopyalandı
Seçilmişlər
