İranın telekommunikasiya sistemi məhv edilib? | "Tezliklə dəyişikliklər olacaq"- Baku TV

ABŞ İranın bütün telekommunikasiya sistemini sıradan çıxarıb.

Bunu Ağ Ev rəhbəri Donald Tramp Floridada keçirilən “Amerikanın Qalxanı” sammitində açıqlayıb.

“Biz onların rabitəsini məhv etdik və bütün telekommunikasiyalar yox oldu. Bilmirəm, onlar necə ünsiyyət qururlar, amma düşünürəm ki, nəsə tapacaqlar”, – deyə D.Tramp bildirib.

O qeyd edib ki, ABŞ əməliyyat zamanı İranın 42 hərbi gəmisini məhv edib.

D.Tramp həmçinin səkkiz müharibəyə son qoyduğunu və daha birinin yolda olduğunu açıqlayıb.

Rusiya-Ukrayna müharibəsindən danışan D.Trampın sözlərinə görə, nifrət çox böyükdür:

“Onları bir araya gətirmək çox çətindir. Nə olacağını görəcəyik”.

Eyni zamanda ABŞ lideri vurğulayıb ki, münaqişənin həlli vəzifəsi olduqca çətindir:

“Biz dəfələrlə sülhə çox yaxın olmuşuq, amma tərəflərdən biri geri çəkilib. Əslində, uduzan biz olmuruq, onlar uduzurlar. Bu bizə çox təsir etmir, çünki bizi ayıran okean var. Mən bunu Avropaya bir yaxşılıq kimi edirəm”.

ABŞ Prezidenti həmçinin Kubada tezliklə böyük dəyişikliklərin olacağını da vurğulayıb. O qeyd edib ki, Kuba çıxılmaz vəziyyətdədir.