İranın XİN rəhbəri Livanın Baş naziri ilə bir araya gəldi

İranın xarici işlər naziri Abbas Əraqçı Livanın Baş naziri Nəcib Mikati ilə görüşüb.

Nəcib Mikati Beyrutda görüş zamanı İrana çətin anlarda Livan hökumətinə və xalqına dəstək verdiyinə görə təşəkkür edib.

Baş nazir A.Əraqçıya Livandakı son hadisələrlə bağlı məlumat verib və BMT Təhlükəsizlik Şurasının fəaliyyətsizliyini pisləyib.

A.Əraqçı İsrailin hücumunun dayandırılması ilə bağlı beynəlxalq təşkilatların birgə fəaliyyət üçün səfərbər edilməsinin vacibliyini vurğulayıb.